Hibrid avtomobillər iki enerji mənbəyini – benzin mühərrikini və elektrik motorunu özündə birləşdirdiyindən bu adı alıb.

Elauto.az xəbər verir ki, bütün hibrid avtomobillər daxili yanma mühərriki və elektrik motorlarının kombinasiyası ilə hərəkətə gətirilir.

Lakin nə qədər “hibrid-elektrik” birləşməsi olsa da, hər kəs bu avtomobilləri elə “hibrid avtomobillər” adlandırır. Benzin mühərriki ilə elektrik motoru bir-birindən müstəqil şəkildə də işləyə bilir. Məsələn, hibrid avtomobillər elektrik enerjisindən istifadə etməklə nəinki hərəkətə başlaya, hətta hətta 50 km/saat sürətə qədər hərəkət edə bilər. Bunun da nəticəsində sıfır yanacaq sərfiyyatı, sıfır ixrac qaz borusu emissiyası və şəhərdaxili hərəkətinizin 50%-ə qədərinin səssiz olmasına nail ola bilərsiniz.

Hibrid avtomobil özü enerji yığdığından, batareyanın yenidən enerji yığması üçün şəbəkəyə qoşulmasına ehtiyac yoxdur. Çünki batareya boşalanda mühərrikin artıq enerjisi ona yenidən enerji yükləyir.

Bundan əlavə, hibrid avtomobillərdə regenerativ tormozlama funksiyası da mövcuddur. Belə ki, siz əyləci basarkən və ya enişdə hərəkət edərkən generator sonra istifadə edilməsi üçün batareyada saxlanılan enerji hasil edir.